Injured	Killed
1	1

Date: 31 July 2013
Source: Bombo Radyo

ROXAS CITY – Patay ang manager sang isa ka lending company samtang pilason naman ang isa pa ka empleyado sa nagluntad nga pagpangluthang sa Estancia, Iloilo.

 

Ginkumpirma ni S/Insp. Lawrence Losaria, hepe sang Estancia police station, nga wala na natabangan sa ospital ang manager nga si Christopher Montaño, 33, sang Lumbia, Estancia, Iloilo.

 

Nag-angkon si Montaño sang tatlo igo sang bala sa tiyan, abaga kag paa gikan sa isa ka kalibre .45 nga pusil.

 

Padayon naman nga ginabulong sa isa ka ospital sa syudad sang Roxas ang empleyado nga si Elmar Estrada, 22, nga nag-angkon sang pilas sa dughan sang masalabat sa pagpangluthang.

 

Suno kay Losaria, personal nga kaakig ukon atraso ang ginalantaw nga motibo sang pulisya bangud sa pagdumala ni Montaño sa negosyo nga pagpa-utang sang salakyan kag kwarta.

 

Sa imbestigasyon sang pulisya, nahibaluan nga hinali na lamang nagsulod ang duha ka wala pa makilala nga mga suspek kag ginluthang si Montaño samtang naga-preparar ang mga empleyado sa pagbukas.

 

Apang antes pa man ang insidente, nakabaton na ang manager sang mga pamahug sa kabuhi paagi sa mga mensahe sa text.