Sumala kan Police C/Supt. Elmer Soria, regional director han Police Regional Office 8 (PRO8), guinkikitaan nira an tanan nga posible nga anggulo han mao nga kaso agud matudlok dayon an mga tawo nga nagpapaluyo han mao nga panmusil ha Brgy. Nasaug, ha mao nga syudad.

 

Guinmanduan na guihapon han mao nga opisyal an mga otoridad nga magbuhat hin manhunt operation alakontra ha mga suspetsado nga pumatay ha mga biktima nga hira Francis Ocson alias Antet, 31 ngan bugto hini nga hi Frederick, 

 

34, samtang samaran naman hi Estilito Sanchez, 27, ngan Franchette, an 9-anyos nga anak ni Francis.

 

Ha inisyal nga imbestigasyon han kapulisan, nabaruan nga nag-iirignom an mga Ocson ngan nagmumulay hin dart games kaupod an ira mga kasangkayan ha terrace han ira panimalay han umabot an 2 nga bwaray makilal-e nga mga suspek ngan guinpanmumusil an mga biktima ngan dayoan nga kumalagiw.

 

Narekober naman han mga pulis an 25 fired cartridges han ngan .22 calibers ha natabuan han krimen ngan guindara naman ini ha Southern Leyte Provincial Crime Laboratory Office para ha ballistic examination