Injured	Killed
2	0

Date: 19 May 2013
Source: Bombo Radyo

ILOILO CITY – Bangud sa magkatuhay nga kandidato sa politika, nagtiruhay ang magtiyo sa Barangay Guihaman, Legans, Iloilo.

 

Sa interview sang Bombo Radyo kay PO1 Barnuevo sang Leganes Municipal Police Station, nagapahuway, nagapahuway-huway sa isa ka baligyaan ang tiyo nga si Tito Castanio sang mag-abot ang hinablos sini nga si Pedro Cabrera.

 

Nagbaisay ang duha tubtub nagtiruhay.

 

Si Castanio nag-angkon sang pilas sa tuhod kag kamot kag gindala sa West Visayas State University Medical Center samtang pilas naman sa tiyan ang naangkon sang hinablos sini nga si Cabrera nga gindala naman sa Iloilo Mission Hospital.

 

Na-recover sa ginluntaran sang insidente ang anum ka empty shell sang .45 caliber pistol kag isa gikan sa homemade shotgun kag isa ka bala.

 

Sunu sa asawa ni Castanio nga si Elaida, politika ang motibo sa insidente sa diin supporter sang nagdaog nga mayor sa ila banwa nga si Adop Jaen ang iya bana samtang supporter naman sang napierdi nga incumbent mayor nga si Mayor Ike Rojas si Cabrera.

 

Sa natipon nga impormasyon sang Bombo Radyo, sang gab-i sang eleksyon, ginpaulanan man sang bala sang hinablos ang balay sang iya tiyo apang wala man sang may nasamaran.