Injured	Killed
2	0

Date: 29 April 2013
Source: Bombo Radyo

TACLOBAN CITY – Guin-oobeserbaran yana ha hospital an magtala-amay kahuman ini pusilon hin mga guinsususpetsahan miyembro hin akyat-bahay gang ha Sitio Cacawan, Brgy. Tagkip, Dagami, Leyte.

Ha impormasyon nga nahikay han Bombo Radyo Tacloban tikang kan Police S/Insp. Allan Novales, hepe han Dagami Municipal Police Station, guinsulod daw hin tulo nga mga kawatan an panimalay han mag-asawa nga hira Virgilio ngan Judith Escapatoria ngan guinpwersa pagkuhaon an P30,000 nga salapi han mag-asawa.

Nagpabuto pa daw an mga suspek, hinungdan agud humiling an magtala-amay ha panimalay han mag-asawa nga Escapatoria, pero hira an guinpusil han mga kawatan gamit an hand-made shotgun.

Nakaangkon hin igo ha dughan an 17-anyos nga ulitawo samtang naigo naman ha tiyan an tatay hini nga hi Orsulo Fernandez, 47.

Ha pagkayana in guinpapanmiling na han mga otoridad an waray pa kakikilala nga mga suspetsado.