Sa paghinabi sa Bombo Radyo Cagayan de Oro, gisaysay sa inahang si Kristy Layugi nga giila ang mga biktima nga si Kathleen Layugi, 5-anyos ug Jessel Layugi, 9; nga pulos nanimuyo sa maong dakbayan.

 

Matud ni Layugi nga naligo lamang sa ulan ang mga bikitma apan milabay na lamang ang pila ka oras pakyas na kining nakauli sa ilang balay.

 

Dinhi na nagsugod ang pagduda nila ngamay nahitabong dautan sa mga biktima.

 

Sa dihang ila nang gisugdan ug pangita,nasuta nga patay na kining nakit-an ug nawala na ang internal organs niini.

 

Nagtoo ang pamilya nga gi-atake sa ungo ang mga bata apan dili kumbinsido ang mga otoridad niini.

 

Gisaysay sa Scene of the Crime Operatives kon SOCO nga posibleng gilugos una ang mga biktima ayha gipangpatay.

 

Dugtong niini,gilayong milihok ang mga otoridad hinungdang duha sa tulo ka suspek ang ilang nadakpan samtang nagtago sa lungsod sa Naawan,Misamis Oriental.

 

Giila ang mga suspek nga i Noe Lalisan Jr ug Emmanuel Bacarro samtang nakasibat usab ang kauban nilang si Michael Roxas.

 

Sa pagkakaron,detinado na sa Misamis Oriental Provincial Jail (MOPJ) si Lalisan ug Bacarro samtang si padayong gipangita sa kapolisan si Roxas.