Injured	Killed
2	0

Date: 30 May 2013
Source: Bombo Radyo

CAGAYAN DE ORO CITY – Duha ka magsoong dalagita ang mireklamo sa Carmen Police Station human matud pa sila lugosa sa usa ka pulis.

 

Ang mga biktima gitago lamang sa pangalang Jay-Ann ug Jessa nga taga Malitbog, Bukidnon.

 

Subay sa ilang reklamo, gibutyag sa magsoong dalagita nga usa ka PO2 Ednal Achas ang mipusgay sa ilang pagkababaye.

 

Giingong nahitabo ang paglugos kanila sa nasampit nga pulis niadtong Mayo 11, 2009 sa usa ka beach resort dinhi sa syudad.

 

Gibutangan matud pa sa maong pulis ug sleeping pills ang softdrinks nga ilang gi-inom, busa, sila natulogan ug milampos gayud ang suspek sa paglugos kanila.

 

Asoy sa maong mga biktima nga karon lamang sila nakasumbong sa mga otoridad kay gibaharan sila ni PO2 Achas nga pamatyon, apil na ang ilang pamilya.