Injured	Killed
0	1

Date: 22 May 2013
Source: Bombo Radyo

 

TUGUEGARAO CITY – Patay ang isang magsasaka sa bayan ng Baggao, Cagayan matapos pagbabarilin ng kapwa nito magsasaka.

 

Kinilala ang biktima na si Julwin Alvarez, 29, habang ang suspek ay si Prudencio Ganal Jr., 33, kapwa may asawa at residente ng Brgy. Santor sa nabanggit na bayan.

 

Una rito, sumugod ang kasamahan ng biktima na si Gringo Collantes sa bahay ng suspek at tinakot ang ilang mga bisita nito.

 

Subalit umuwi at pagkaraan ng ilang minuto ay bumalik ito kasama ang biktima na may dalang kutsilyo.

 

Dahil nakita ng suspek ang dalang kutsilyo ng biktima, kinuha rin nito ang kaniyang itinatagong baril at saka pinagbabaril ang biktima sa iba’t-ibang bahagi ng katawan na sanhi ng kaniyang agarang kamatayan.

 

Nakuha sa pinangyarihan ng insidente ang limang bala ng baril at pitong basyo ng .45 caliber.

 

Sa ngayon ay nasa BJMP na ang suspek at inihahanda na ang kasong isasampa laban dito.