NAGA CITY – Nahaharap ngayon sa kaukulang kaso ang isang binata matapos na mapatay sa saksak ang sariling kapatid sa bayan ng Sagñay sa Camarines Sur.

 

Kinilala ito na si Ryan Amparado, 22, ng San Ramon, Iriga City.

 

Batay sa impormasyon, hinuli ni Catalotaon Barangay Kagawad Ledio Salvador ang binata makaraang saksakin ang kapatid na si Jose Amparado, 24.

 

Napag-alaman na kapwa nasa isang okasyon ang magkapatid nang magkaroon ng mainitan na diskusyon.

 

Bigla umanong bumunot ng balisong ng biktima at tangka sanang saksakin ang suspek.

 

Ngunit naagaw ito ni Ryan at siya ring ginamit sa pananaksak sa kanya.

 

Nagtamo umano ng malalalim na tama sa tiyan ang biktima na agad na dinala sa pagamutan ngunit idineklarang dead on arrival.