Injured	Killed
0	0

Date: 17 April 2013
Source: Bombo Radyo

DAGUPAN CITY – Arestado ang magkaibigan dahil sa pagnanakaw ng mga bote ng mamahaling alak sa lungsod ng Alaminos.

Nakilala ang magkaibigang suspek na sina Lawrence Pamu, 23, at 17-anyos nitong kaibigan na kapwa residente ng Brgy Poblacion sa nabanggit na lungsod.

Ayon sa impormasyon, pinasok ng magkaibigan ang bahay ng isang balikbayan at kinuha ang mga bote ng alak na naka-display sa loob ng tahanan.

Balak umanong inumin ng magkaibigan ang alak habang ang iba naman ay ipagbibili para magkapera.

Iginiit naman ng dalawa na napagtripan lamang ang pagnanakaw lalo’t nakainom sila ng maganap ang insedente.

Sa ngayon ay nakakulong na si Pamu habang ang 17-anyos na kaibigan ay nasa pangangalaga na ng DSWD.