Injured	Killed
0	1

Date: 13 February 2013
Source: Sunday, 10 February 2013 19:39 bombo radyo

NORTH COTABATO – Patay ang usa ka mag-uuma human siya gipusil sa mga armadong grupo alas-8:00 sa gabii niadtong Sabado.

Giila ang biktima nga mao si Rasul Agpol, 41, minyo og molupyo sa Barangay Gocotan, Pikit.

Matud ni Pikit chief of police, C/Insp. Jordine Maribojo nga samtang nagkaon ang biktima sulod sa iyang bay kalit lang nahiabot ang wala mailhing mga armadong kalalakin-an og siya gipusil gamit ang M14 rifle.

Abtik sab nga misibat ang mga suspetsado sa diha nga sila nakatimaho nga nagsingabot ang puwersa sa 7th Infantry Battalion Philippine Army nga nakadungog sa buto-buto sa armas.

Ang biktima ang dali nga gisapupo sa iyang pamilya og gidala sa Cruzado Hospital sa Pikit apan gidiklara siya sa mga attending physician nga dead on arrival gumikan sa ubay-ubay nga samad pinusilan sa nagkadaiyang parte sa iyang lawas.

Suma sa pamilya sa biktima nga bag-o kini gipatay dunay nakaaway siya nga pamilya gumikan sa bingkil sa yuta nga ilang giugmad.

Sa kasamtangan blangko pa ang otoridad sa mga tawo nga dunay kalabutan sa pagpatay niini og padayon pa silang nag-imbestiga. (Bombo Garry Fuerzas)