Injured	Killed
0	1

Date: 20 March 2013
Source: Bombo Radyo

DAVAO CITY – Padayon ang gilusad nga imbestigasyon sa kapolisan sa Kiblawan, Davao del Sur kalabot sa pagkapusil-patay sa usa ka mag-uuma atubangan mismo sa iyang pamilya.

Nasayran nga ang biktima residente sa Barangay Bag-ong Negros, Kiblawan, Davao del Sur.

Alas 8:00 ang takna sa kagabhi-on samtang ang biktima nga usa ka Edwin Antopuesto, 39-anyos ang panuigon, menyo, didto sulod sa ilang pinoy-anan alas otso ang takna sa kagabhi-on uban sa iyang asawa ug duha ka mga anak, apan nasayran nga duha ka mga wala maila nga mga armado ang mipaboto sa iyang surit-surit shot gun nga gipalapus lamang sa bintana ang boka sa armas.

Naigo ang biktima sa iyang dughan ug milapus sa boko-boko nga bahin. Diha-diha nga nabugtu-an sa iyang kinabuhi ang biktima.

Sa imbestigasyon sa kapolisan nasayran nga ang suspetsado nagtindog lamang sa bintana nga bahin, samtang ang iyang shotgun gitumong sa dughan sa mag-uuma.

Ang asawa blangko pa kung kinsa ang posibling mipusil-patay sa iyang bana.

Wala’y nakita nga tawo ang asawa gumikan kay ang likod nga bahin sa ilang balay labihan ka ngitngit.

Layo sab ang kablayan sa ilang mga silingan hinongdan nga wala gilayo’y nakatabang kanila.