Injured	Killed
0	1

Date: 15 April 2013
Source: Bombo Radyo

COTABATO CITY – Patay ang usa ka mag-uuma human siya gipusil sa mga armadong grupo alas-7:40 sa gabii niadtong Domingo didto sa probinsiya sa Maguindanao.

Giila ang biktima nga mao si Abdulrasid Usman, 43, minyo og molupyo sa Sitio Nangoy, Barangay Kudal, Pagalungan.

Si Maguindanao PNP Provincial Director S/Supt. Rodelio Jocson nga samtang naglingkod ang biktima atbang sa iyang bay kalit lang miabot ang wala mailhing mga armadong kalalakin-an og gipusil siya gamit ang M16 armalite rifles.

Patay gilayon si Usman sa diha nga natusak-tusak sa bala ang nagkadaiyang parte sa kalawasan.

Abtik sab nga misibat ang mga suspetsado sa diha nga sila nakatimaho nga nagsingabot ang puwersa sa militar ug mga sakop sa Citizen Armed Forces Geographical Unit (CAFGU).

Suma sa pamilya sa biktima nga dunay grupo na silang gidudahan nga maoy nagpatay niini nga ila sab nga kaaway sa yuta nga ilang giugmad.

Sa kasamtangan ang kapulisan sa Pagalungan ang dunay mga tawo na nga gi-imbestigahan nga dunay kalabutan sa pagpatay sa biktima. (Bombo Garry Fuerzas)