Injured	Killed
0	1

Date: 16 January 2013
Source: http://www.sunstar.com.ph/superbalita-davao/balita/2013/01/16/mag-uuma-gibugha-263231

KIDAPAWAN CITY – Patay ang usa ka mag-uuma human siya gipusil alas 10:30 sa gabii niadtong Martes didto sa probinsiya sa Cotabato.

Giila ang biktima nga mao Jessie Palencia, 39, minyo ug molupyo sa Sitio Malugasa, Barangay Kadiis, Carmen.

Gibutyag ni Carmen Chief of Police, Chief Inspector Jordine Maribojo nga natulog lang si Palencia sa iyang bay apan kalit siyang gisulod sa usa ka wala mailhing lalaki ug gipusil gamit ang shotgun.

Patay dayon ang biktima gilayon ang biktima human maigo sa bala ang iyang lawas.

Abtik sab nga misibat ang suspetsado paingon sa wala matino nga dapit human maseguro nga patay na ang biktima.

Dako ang pagtuo ni Carmen Mayor Roger Talino nga posibling away sa yuta o personal nga atraso ang motibo sa pagpatay sa biktima.

Sa kasamtangan, wa pay matudlo ang kapulisan nga suspek sa maong pagpatay. (Edgardo Fuerzas)