Injured	Killed
0	2

Date: 28 May 2013
Source: Bombo Radyo

ILOILO CITY – Bangkay na sang masapwan ang mag-utod nga pareho nga wanted sa nagkalain-lain nga kaso sa isla sang Guimaras.

 

Sa interview sang Bombo Radyo kay Police Insp. Rey Teñala, hepe sang San Lorenzo Municipal Police Station, ang mag-utod nga Dennis kag Denmark Marquez ang nasapwan na lang nga tadtad sang bala kag may linampusan pa sang bato malapit sa suba sa Sitio Gaway-Gaway, Barangay Constancia, San Lorenzo, Guimaras.

 

Ang duha natukiban nga wanted sa nagasalalampaw nga kaso sa diin si Dennis Marquez ang nakaagi preso sa kaso nga murder kag may ginapangatubang pa nga robbery with homicide samtang cattle rustling naman ang ginapangatubang sang utod sini nga si Denmark.

 

Ginaimbestigahan naman sang mga pulis ang koneksyon sang ginapangatubang nga kaso sang mag-utod sa motibo sa krimen.