TUGUEGARAO CITY – Nahuli ang mag-live in partner dahil sa pagtutulak ng iligal na droga sa lungsod ng Tuguegarao.

 

Sa isinagawang buy bust operation ng PNP Tuguegarao sa Brgy. Centro 11, nadakip sina Alan Kindatan ng Pengue Ruyu at Nancy Manzano ng Balzain East.

 

Nakumpiska mula sa kanilang kustodiya ang dalawang plastic heat sealed sachets ng pinaniniwalaang shabu, dalawang cellphone, tig-isang piraso ng P1,000 at P500 na ginamit bilang marked money.

 

Mahaharap sa kasong paglabag sa pagtutulak ng iligal na droga ang dalawa kung saan nabatid na dalawang buwang buntis ang babae.