Injured	Killed
4	0

Date: 08 February 2013
Source: Remate.ph by Rene Manahan Feb 8, 2013 7:27pm HKT

NAKIDNAP ang mag-iinang Tsinoy ng tatlong hindi pa kilalang mga suspek habang ang mga una ay papunta sa eskuwelahan sa Caloocan City, kaninang umaga, Pebrero 8.

Hindi muna pinangalan ang ginang na edad 50 at mga anak na edad 12, 14 at 9 batay na rin sa hiling ng pamilya upang hindi malagay sa peligro ang mga biktima.

Sa ulat, alas-7:30 ng umaga, sakay ang mga biktima ng Toyota Revo at bago pagdating sa Philippine Cultural School sa 8th Avenue ng lungsod nang harangin ng mga suspek.

Mapalad ang biktimang 16-anyos dahil nakalabas siya ng sasakyan at nakatakas habang tuluyan namang natangay ang ina at mga kapatid.

Inilihim naman ng Caloocan City Police ang tungkol sa nasabing insidente sa hindi malaman na dahilan.