Injured	Killed
2	0

Date: 05 March 2013
Source: Bombo Radyo

LAOAG CITY – Nasa ligtas na ring kalagayan ang mag-asawang biktima ng pamamaril sa loob mismo ng kanilang tahanan sa Brgy. San Marcelino, Dingras, Ilocos Norte kagabi lamang.

Sa ngayon ginagamot sa Gov Roque Abloan Sr Memorial Hospital ang mga biktima na sina Roderick Rosqueta at ang asawa nitong si Anabel Rosqueta, kapwa residente sa naturang lugar.

Nagtamo ang lalaki ng tama ng bala ng ‘di pa matukoy na kalibre ng baril sa kaliwang bahagi ng kanyang dibdib, samantalang ang babae ay nagtamo naman ng tama ng bala sa kanyang binti.

Ayon sa impormasyon, ang mag-asawa ay pinasok ng suspek sa mismong tahanan ng mga ito matapos binaril ang mga biktima.

Hindi pa rin matukoy sa ngayon ang motibo ng pangyayari.