Injured	Killed
2	0

Date: 07 February 2013
Source: Bombo Radyo

TACLOBAN CITY – Kritikal an kamutangan yana han mag-asawa nga hira Thelma ngan Roberto Cayre, mga residente han Brgy. Mudburon, Alang-alang, Leyte, kahuman nga pagpananawtawon hin usa nga lalaki nga guinkilala nga hi Ricardo Dompe, residente guihapon han mao nga lugar.

Subay ha nahikay nga impormasyon han Bombo Radyo Tacloban,nakaangkon hin samad ha ulo ngan iba pa nga parte han lawas an babaye ngan daku naman nga samad ha luyo han hita an naangkon han bana hini han pagpananawtawon han guinsususpetsahan nga nakainom nga hi Dompe.

Una hini, guinkasinahan daw han mga bikima an 14 anyos nga anak han suspect kahuman hini suntukon an 9 anyos nga anak han mga biktima.

Nagsumat naman an 14 anyos nga bata, hinungdan agud sumulong ini ha panimalay han mga biktima ngan guinpananawtaw an mga ini.

Ha pagkayana in guin-oobeserbaran pa han mga doktor an nasabi nga mga biktima.