Injured	Killed
0	2

Date: 26 March 2013
Source: Bombo Radyo

KORONADAL CITY – Ginbawian sang kabuhi ang mag-asawa sa Sitio Plasong, Barangay Muloy, Surallah, South Cotabato matapos nga ginpaulanan sang bala sang mga armado nga kalalakihan kagab-i.

Ginkilala ang mga biktima nga sanday Lina kag Suting Liw, nga lunsay mga residente man sang nasambit nga lugar.

Base sa panaysayon ni Magdalina Kargador, isa ka Daycare worker sang Sitio Plasong, Barangay Muloy nga alas 7 sang gab-i sang ginpalibutan sang mga armado nga kalalakihan ang puluy-an sang mag-asawa kag ginpaulanan sang bala tubtub nga ginbawian sang kabuhi ang mga ini.

Sandig sa report, ang mag-asawa nga Liw ang ginapatihan nga nagreport sa mga otoridad angut sa pagpangawat nga ginahimo sang nasambit nga mga armado nga grupo sa amo nga lugar rason nga nagtimalos ang mga ini.

Nahibaluan nga armado sang garan kag M14 armalite rifle ang mga armado nga grupo.

Sa subong, nagapadayon ang manhunt operation sang Surallah PNP sa mga suspek.