Injured	Killed
2	0

Date: 22 May 2013
Source: Bombo Radyo

NAGA CITY – Lugadan an duwa katao makalihis saksakon kan saindang kainuman sa Sta. Elena, Camarines Norte.

 

Binisto an mga biktimang sinda Menandro Bachain asin Joel Bogial, parehong residente kan Centro Kabila, Barangay Guitol sa naunambitan ng banwaan.

 

Sa entribista kan Bombo Radyo Naga ki SPO1 Rosiño Suaberdes, napag-araman na nag-iinuman su boot an mga biktima kaibanan an suspek na si Rodel Dorotayo sa harong kan sarong Michael Reapor kan biglang magkapikunan huli sa kaburatan.

 

Nagkaigwa su boot nin mainitan na diskusyon an tolo alagad bigla na sanang nagbunot nin patarom si Dorotayo saka sinaksak an duwa na nagsapo nin tama sa manlaen-laen na parte kan lawas.

 

Sa ngonian, naoperahan na su boot an duwa asin nagtetenir sa Lopez, Quezon Hospital mantang padagos man na nilalapag an suspetsado na tulso nagdulag makalihis an krimen.