Injured	Killed
0	2

Date: 06 March 2013
Source: Bombo Radyo

NAGA CITY – Patay na nang matagpuan ang mag-amang dinukot ng mga armadong kalalakihan sa San Fernando, Camarines Sur.

Sa panayam ng Bombo Radyo Naga kay S/Insp. Valentin Añil, chief of police ng PNP San Fernando, sinabi nitong natagpuang halos magkatabi ang bangkay nina Martin at Jimson Cupino sa Sitio Calumagdon, Barangay Pinamasagan.

Nasa state of decomposition na ang bangkay ng mga ito at isang kilometro lang ang layo mula sa kanilang tahanan.

Dinala na sa ospital ang mga ito upang alamin ang dahilan ng pagkasawi ng dalawa.

Una nang sinabi ni Nanay Elena, asawa ni Martin na pinadalhan sila ng duguang T-shirt ng asawa na tila nagpapahiwatig na patay na ito.

Sa ngayon nakatakda nang sampahan ng kasong kidnapping at murder ang mga suspek lalo na’t ilan sa mga ito ay nakilala ng kaanak ng mga biktima na kasama sanang tatangayin noong Pebrero 28.