Injured	Killed
0	2

Date: 30 January 2013
Source: Bombo Radyo

GENERAL SANTOS CITY – Patay ang mag-amahan human gipabuto sa padre de pamilya ang granada sulod sa ilang balay sa Brgy. Sulit, Polomolok, South Cotabato.

Gibutyag sa Bombo Radyo GenSan ni Brgy. Captain Boy Huelar, giila ang biktima nga si Charlie Mantilla, 36-anyos, kanhi drayber ug tricycle ug residente sa maong lugar.

Naangin sa maong panghitabo ang grade-6 pupil niini nga anak nga si alyas Denden.

Una matud pang gisunog ni Charlie ang iyang Honda Wave motorcycle ug ilang lawak ug dayon miadto matud sa kusina sa ilang balay ug didto gipabuto ang gigunitan nga granada.

Naabtan sa mga nagrespondi nga mga pulis ug Bureau of Fire Protection Office ang nagkatagkatag nga bahin sa lawas niini sulod sa balay samtang wla nay kinabuhi ang usa ka bata ug naputol ang usa ka kamot niini.

Dili klaro ang bug-at nga hinungdan sa pagpakamatay ni Charlie kung asa naangin ang iyang nag-inusara nga anak.

Apan nagtuo ang mga otoridad nga aduna kiniy dakong problema sa iyang pamilya.

Gikatakda unta nga muoli sa Pilipinas gikan sa ubang nasud ang misis ni Charlie karong Pebrero.