Injured	Killed
0	0

Date: 31 July 2013
Source: Bombo Radyo

LEGAZPI CITY – Nagtatarakig asin haros dai makataram an mag-agum na Indian national na nagrani sa hepatura kan pulisya makalihis na holdapon kan duwang armadong kalalakihan.

 

An biktima an binistong si Gurinder Singh y Pal, 46-anyos, negosyante asin paramientras na nagtetenir sa Tabaco Sports Complex Subdivision, Guinobat, Tabaco City.

 

Sa imbestigasyon, bandang alas 2:30 nin hapon, mantang sakay kan saindang motorsiklo an biktima kaiba an agum kaini kan bigla ining olangon kan duwang armadong kalalakihan.

 

Digdi na tinutukan sinda nin badil asin kutsilyo kan suspek asin saka nagdeklara nin hold-up.

 

Nakua sa biktima an mga cellphone, kwarta, mga susi asin iba pang documento.

 

Tulos man na nagdulag an dai pa nabibistong mga suspek sa dai maaraman na direksyon.