Ginkilala ang napatay nga si Bobong Martinez samtang ang yara sa kritikal nga kondisyon naman amo si Romy Intay nga lunsay mga residente sang Purok San Isidro, Barangay Poblacion, Tampakan, South Cotabato.

 

Sa ginpatigayon nga imbestigasyon sang Tampakan PNP, nahibaluan nga magkaupod nga nagainom ang mag-abyan sang may wala nahisgutan, nagbaisay tubtub nga nag-away kag naglab-ot sa pagkambyuhanay sang lupok.

 

Ang napatay nga si Martinez suno pa ang una nga nagapangluthang matapos sini nga gin-agaw ang ginasukbit nga shotgun sang abyan nga si Intay.

 

Nag-agaway pa sang shotgun ang mag-abyan tubtub aksidente nga naigo si Martinez sa dughan.

 

Nahimo pa sini nga maagaw ang shotgun sa abyan kag naluthangan man sini sa tiyan si Intay.

 

Sa subong padayon nga ginabulong sa South Cotabato Provincial Hospital ang kritikal nga si Intay.