Injured	Killed
0	0

Date: 31 March 2013
Source: Bombo Radyo

NAGA CITY- Naaresto na ng mga otoridad sa Lagonoy, Camarines Sur ang 74-anyos na lolo dahil sa kasong rape.

Matapos magtago ng isang taon, nahuli ang number 7 municipal most wanted na si Victor Capuz ng Barangay Himagtucon.

Suspek siya sa kasong panggagahasa sa isang menor de edad na kabarangay din niya noong Hulyo 2012.

Ayon kay PS/Insp. Victor Azuela, chief of police ng PNP Lagonoy, matagal ng mino-monitor si Capuz at nagkataong umuwi ito sa kanilang lugar kaya nahuli sa bisa ng warrant of arrest.

Sa ngayon, nananatili sa kulungan ang suspek at hindi pinapayagang makapagpyansa.