Injured	Killed
0	1

Date: 04 July 2013
Source: Bombo Radyo

NAGA CITY – Mayo nin buhay kan maabutan kan sarong aki an sarong 66-anyos na lolo sa Sitio Sulukin, Barangay San Isidro, Candelaria Quezon.

 

Basado sa impormasyon bibisitahon kuta kan saiyang aki an biktimang si Lorenzo Heneroso Jimenez alagad bangkay na an naglambara digdi.

 

Sa ipinadarang impormasyon kan Quezon Police Provincial Office sa Bombo Radyo Naga may tama nin bala sa payo an biktima.

 

Narekober man sa lugar an sarong spent shell hale sa calibre 45 na isinairarum na sa ballistic asin cross examination.

 

Napag-araman na solo na lang na nagiistar sa harong kun sain siya nadukayan.

 

Sa ngonian, inaaram na mga otoridad kun siisay an posibleng may kagigibohan kan krimen asin motibo kaini.