Injured	Killed
1	0

Date: 03 June 2013
Source: Bombo Radyo

KALIBO, Aklan – Pinalakol sa likod ang isang 42-anyos na lalaki makaraang mag-ingay at maghamon ng away dahil sa kalasingan sa Barangay Arcanghel Sur, Balete, Aklan.

 

Kinilala ang biktimang si Alvino Caraboto, residente ng naturang lugar habang ang suspek ay si Charry Agapito, 28, kapit-bahay ng biktima.

 

Base sa report, dakong alas-10:00 kagabi nang lasing na nagsisigaw sa labas ng kanyang bahay ang biktima at naghahamon ng away dala ang kanyang palakol.

 

Dahil sa ingay, lumabas umano ang suspek at pinatulan ang hamon ng kapit-bahay.

 

Naagaw umano ni Agapito ang palakol ni Caraboto nang madulas ito sa kanyang kamay at hinataw ito sa kanyang likod.

 

Kaagad isinugod sa Aklan Provincial Hospital ang biktima na nasa kritikal na kondisyon.

 

Samantala, sinasabing tumakas ang suspek nang makitang duguan ang kanyang kapit-bahay.