Akabatan so biktima ya si Joel Nabua, 32-anyos, ya residente na Brgy Buenlag tan say suspek ed akabatan na si Simplico Pebrero alyas Boy ya residente met na abetlan lugar. 

 

Lapud say impormasyon antes na insedente et awalaan na aga pantatalusan so sarayan dwa lapud say pansirit na dwaran biktima ed gate na suspek ya aga agustuan na sampot. 

 

Binunot na suspek so awit tonyan kutsilyo tan inundayan na saksak so biktima ed say kili kili tonya ya insugor ed patambalan umpan natambalan. 

 

Natan et kaplesan na aanapen so suspek ya timakas kayari na insedente. 

 

Lapu met ed pansirit ed gilig na inuman et inreklamo na panbubogbog so apatiran lalaki dyad siyudad Dagupan. 

 

Akabatan so saray suspek ya si Harvey Gorosa, Roger Martinez, Emerson Bandares, tan Carlo Maramba, pare parehon wadyad uston taon. 

 

Lapud say impormasyon anirit si Maramba asinger ed pan iinuman na saray biktiman si Raymond Palaganas, 22-anyos tan Catherine Cervantes, 23-anyos. 

 

Nen sitaen et tampol ya pimetang so ulo nen Maramba ya nansumpal ed aga pantatalusan. 

 

Lapud saya ed pinang iibaan na apatiran lalaki ya bugbugen so dwaran biktima ya awalaan na sugat tan pasa ed laman da. 

 

Naantan met ya naandian na P1,000 tan selfon si Cervantes.

 

Kayari na insedente et inaiwit ed Dagupan City PNP so saray sangkot tan akapantalusan na saguten la na saray suspek so gastusen na biktima ed panpapatambal kasalat na aga pansampa na kaso.