Injured	Killed
0	1

Date: 17 May 2013
Source: Bombo Radyo

BUTUAN CITY – Patay ang usa ka land negotiator sa Silangan Mining Corporation human gipusil sa wala mailang suspetsado sulod mismo sa usa ka de-pasayruang sakyanan pasado alas-8:45 kagahapon sa buntag. Naila ang biktimang si Marianesa Ballescas, 50-anyos, minyo og residente sa Barangay Roxas, lungsod sa Mainit, probinsya sa Surigao del Norte. Migawas sa imbestigasyon nga sakay sa usa ka multicab ang biktima gikan sa Surigao City og padulong na unta sa pagpa-uli apan pag-abot sa national highway sa Brgy. Upper Libas, lungsod sa Tagana-an, gipusil siya sa wala ma-ilang suspek nga sakay usab sa susamang sakyanan. Duha ka samad-pinusilan sa walang bahin sa li-og ang na-angkon sa biktima hinungdan sa iyang hinanaling kamatayon. Daling mikanaog sa sakyanan ang suspek og misibat padulong sa wala pa matinong direksyon. Daling mitaho usab sa buhatan sa kapulisan ang multicab driver nga si Ramonito Cervantes Guartel og usa sa gitutukan sa kapulisan nga motibo sa kremin mao ang personal nga bikil tungod sa klase sa trabaho sa biktima.