NAGA CITY – Nauwi sa pagkamatay ng isang lalaki ang ang sana’y pag-awat lamang nito sa magkapatid na nag-aaway sa Lagonoy, Camarines Sur.

 

Kinilala itong si Eddie Galos na residente ng Binuanan sa nasabing bayan.

 

Sa panayam ng Bombo Radyo Naga kay PO3 Palmes, sinabi nito na nasa bahay ng biktima si Floresco Perico nang biglang dumating ang kapatid nito na si Thomas na may bitbit na itak.

 

Nagkaroon aniya ng mainitan na pagtatalo ang magkapatid at nauwi sa pananaga ni Thomas.

 

Dahil nasa kanyang bahay, pumagitna ang biktima upang awatin ang magkapatid ngunit siya ang tinamaan ng itak ni Thomas.

 

Agad na dinala sa pagamutan si Galos ngunit idineklarang dead on arrival.

 

Sa ngayon nahaharap na sa kasong homicide at frustrated parricide ang suspek.