Injured	Killed
0	1

Date: 30 January 2013
Source: GMA news

Isang lalaki na naghihintay sa waiting shed sa Davao City ang binaril at napatay ng hindi pa nakikilalang suspek. Dalawa pang insidente ng ambush ang naganap sa magkahiwalay na lugar sa Luzon.

Sa ulat ni Tek Ocampo ng GMA-Davao sa Balita Pilipinas Ngayon nitong Martes, sinabing nakatayo sa waiting shed ang biktima sa barangay Bangkal, Davao City nang lapitan ng suspek.

Nagawa pa umanong makatakbo ng biktima pero hinabol siya ng suspek at pinagbabaril.

Duguan at walang buhay na humandusay sa kalsada ang biktima, habang nakatakas ang salarin.

Patuloy na iniimbestigahan ng pulisya ang insidente.

Samantala, isang lalaki rin ang patay nang pagbabarilin ng mga hindi nakilalang suspek sa Bacarra, Ilocos Norte.

Dead on the spot din ang anak ng isang election officer sa Umingay, Pangasinan matapos tambangan ng mga suspek.

Inaalam pa ng pulisya ang motibo sa pamamaslang sa magkahiwalay na krimen. – FRJ, GMA News