Duruha ka ihap sa kasong rape o sexual assault ang gipasaka batok kang Felicisimo Sirado Olaybar Jr., 66; alias Jun, residente ning dakbayan. 

 

Lig-on ang basehan ni Prosecutor Serafica Justiniani-Weis arun pasakahan ang akusado base sa affidavit/complaint nga gipasaka sa inahan sa biktima nga ka-live-in partner sa akusado. 

 

Subay sa record, gikanayon sa biktima nga tulo ka higayon siya nga gilugos sa akusado diin nahitabo ang insidente kaniadtong Hulyo 1, 5 ug 6 ning kasamtangan nga tuig. 

 

Nahuwasan lamang sa iyang kahadlok ang biktima dihang akto na niining naki-at sa iyang inahan ang gibuhat sa iyang ka-live in sulod sa ilang kuwarto. 

 

Gikanayon sab ni Justiniani-Weis nga lig-on ang saysay ug ebidensiya nga gisumite sa ilang buhatan. 

 

Walay piyansa nga girekomenda ang korte alang sa temporaryong kagawasan sa suspek.