ROXAS CITY – Patay na nang matagpuan sa pampang ng ilog ang 63-anyos na magsasaka na ilang araw nang nawawala sa Barangay Matinabus, Sigma, Capiz.

 

Natagpuan ng isang residente si Romulo Paz ng Barangay Pinamalatican, sa nasabing bayan na naaagnas at nangangamoy na.

 

Sinabi ni SPO3 Richard Franco ng Sigma police station, walang sugat sa katawan si Paz maliban sa mga gasgas sa mukha.

 

Ayon pa kay Franco, hindi na nakita pa ang biktima mula nang umuwi matapos makipag-inuman sa bahay ng matalik na kaibigan na si Casimiro Fuego.

 

Naniniwala naman ang pamilya ng biktima na maaaring nahulog ito sa ilog matapos atakehin ng sakit na hika.