| Injured | Killed |
|---|---|
| 0 | 1 |
Date: 17 February 2013
Source: Bombo radyo feb 17, 2013
Lalaki, sinaksak patay sa loob ng simbahan sa Aklan
KALIBO, Aklan – Patay ang isang lalaki habang ginagamot sa isang pribadong hospital sa bayan ng Kalibo matapos itong magtamo ng saksak sa kanyang dibdib.
Ang biktima ay kinilalang si Pancho Carpio, 62-anyos at residente ng Barangay Mabilo, Kalibo habang ang suspeck ay kinilalang si Edwin Reyes, 57-anyos at residente ng Barangay Baybay, Makato Aklan.
Napag-alaman na dumayo ang biktima sa Barangay Mantiguib, Makato para sa kanilang Sunday church service bilang Protestant, at habang nasa loob ng simbahan, pumasok umano ang suspek at bigla nalang sinaksak ang biktima.
Sa inisyal na imbestigasyon ng Makato PNP, selos ang nakikitang motibo ng suspek sa pagpaslang sa biktima, pero patuloy pa itong binibigyang linaw.
Hindi pa rin kasi nagbibigay ng pahayag ang pamilya ng biktima at suspek na sa ngayon ay nakakulong na sa Makato Police Station.