Injured	Killed
1	0

Date: 30 January 2013
Source: Bombo Radyo

NAGA CITY – Lugadan an sarong lalaki makalihis saksakon kan saiyang live-in partner sa banwaan nin Tinmabac, Camarines Sur.

Sa entribista kan Bombo Radyo Naga ki PO3 Rizalino Pante, sinaysay kaining nagpuon an pag-iiwal kan mag-live-in partner na sinda William Lachica asin Charie Dedicatoria kan magpuling burat si Lachica.

Binanog su boot kaini si Dedicatoria asin idinamay pa an 11-anyos kaining aki na si Jerimiah.

Sa kaanggutan ni Dedicatoria, nagkua ini nin kutsilyo asin sinaksak sa tulak an ka-live-in na tulos naidagalan man sa ospital.

Paramientras maan na nagtenir sa hepatura kan pulisya si Charie asin an aki kaini sa takot na baluson sinda kan mga parientes ni Lachica.