Injured	Killed
0	0

Date: 09 March 2013
Source: Bombo Radyo

NAGA CITY- Napano nin takot an sarong lalaki sa Quezon Province makalihis mabiktima nin panghoholdap kan apat na kalalakihan.

Lunad kan motorsiklo mantyang pigbabagtas an provincial road sa Barangay San Agustin banwaan nin Tiaong, inabatan su boot kan apat na armadong kalalakihan an biktimang si Herman Oliveros.

Tinutukan su boot siya nin badil kan mga suspek sabay deklara nin holdap.

Nalalay sa biktima an kwartang nagkakantedad nin P49,000, limang cellphones asin an saiyang ATM card.

Dali-daling nagpasiring sa PNP Tiaong si Oliveros asin sa pagresponde kan mga otoridad sa lugar, napag-araman na nadakop kan pirang residente sa lugar an saro sa mga suspek na binistong si Domingo Lafomia kan Barangay Ayusan.

Sa ngonian, sinangatan na nin kaso an suspek mantang padagos pang pighahanap an tolong kaibana kaini.