Injured	Killed
0	1

Date: 09 March 2013
Source: Bombo Radyo

NAGA CITY- Dae na nakaabot pa nin buhay sa ospital an sarong lalaki sa Quezon Province makalihis badilon kan saiyang kabarangay huli sana sa puon nin mahogany.

Binisto an biktimang si Romeo Cruzada, 53, kan Sitio Bugnao, Barangay Paiisa, banwaan nin Tiaong.

Basado sa impormasyon, nagkaigwa nin mainit na iwal an biktima asin suspek na si Celito Haplit Urbina, 57 kan kaparehong lugar.

Pigsasabing nagpuon an iwal huli sa itinanom na mahogany tree ni Cruzada sa dagang pagsasadiri ni Urbina.

Tulos su boot na nagbunot nin dae pa maaraman na kalibre nin badil an suspek asin binadil sa payo an biktima.

Dinara pa sa Liwag Medical Clinic an biktima lagad idineklarang dead on arrival.

Sa ngonian, pighahanap pa kan PNP Tiaong an suspek na tulos nagdulag makalihis gibuhon an krimen.