Injured	Killed
0	1

Date: 30 April 2013
Source: Bombo Radyo

NAGA CITY – Nahaharap ngayon sa kaso ang isang lalaking nasa likod ng pananaksak sa kanyang nakaaway sa Camarines Norte.

Kinilala ang suspek na si Paul Villaspin ng Purok 5, Barangay Gumaos sa bayan ng Paracale.

Batay sa impormasyon, nagkaroon ng pagtatalo ang suspek at biktimang si Rolando Lampano, ng Barangay Binundigahan, Pio Duran, Albay.

Hindi umano napigilan ng suspek na bunutin ang kanyang patalim hanggang sa saksakin ang biktima.

Nadala pa ito sa Jose Panganiban Primary Hospital subalit idineklarang dead on arrival.

Kaagad namang tumakas ang suspek matapos ang pangyayari.