Injured	Killed
0	1

Date: 17 April 2013
Source: Bombo Radyo

NAGA CITY – Pinaghahanap ngayon ng mga otoridad ang suspek sa nangyaring nangyaring pananaksak-patay sa bayan ng Baao, Camarines Sur.

Sa panayam ng Bombo Radyo Naga kay PO3 Ryan Bulawan, alas-12:00 umano ng hatingabi nang mag-awat sa isang komosyon ang biktimang si Freddie Pillante, 39, ng Barangay Iyegan.

Subalit ito ang napag-initan ng suspek na si Richard Albalte at biglang sinaksak.

Sa paglalarawan ni Bulawan, bumaon hanggang sa likod ng biktima ang kutsilyong ginamit ng suspek nang saksakin ito sa dibdib.

Sa pagresponde ng kapulisan naabutan pa ng mga ito ang biktima kung saan naiwan pa na nakatarak ang kutsilyo sa dibdib nito.

Dead on the spot ang biktima habang agad namang tumakas ang suspek na nahaharap ngayon sa kasong murder.

Napag-alaman na nangyari ang insidente kasabay ng isang okasyon sa lugar.