| Injured | Killed |
|---|---|
| 0 | 1 |
Date: 21 May 2013
Source: Bombo Radyo
NAGA CITY – Padagos na iniimbestigaran ngonian kan otoridad an nangyaring pambabadil-gadan sa sarong indibidwal sa siyudad nin Iriga.
Binisto an biktima na si Joseph Cavitana 29, kan PNR site Barangay San Francisco kan nasabing siyudad.
Sa intribista kan Bombo Radyo Naga ki PO3 Marsha Aquiler an tagapagtaram kan PNP-Iriga, sinabi kaining nakikipag-inuman an biktima sa nasabing lugar kan bigla na lang ining pagbabadilon kan duwang dae nabistong lalaki.
Nagsapo suboot ini nin tulong tama nin bala gikan sa kalibre 45 nin badil sa saiyang lawas na tulos man na naidara sa ospital alagad ipigdeklarar na dead on arrival.
Tulos man na nagdulag an mga suspetsado matapos an insidente na pinaghahanap na ngonian.