Injured	Killed
0	1

Date: 31 August 2013
Source: Bombo Radyo

ROXAS CITY – Ginbawian na sang kabuhi samtang ginabulong sa Roxas Memorial Provincial Hospital ang lalaki nga ginhatuk-hatok sang labo kag buno sa Barangay Lantangan, Pontevedra, Capiz.

 

Nagalab-ut sa 32 ang gin-angkon nga pilas ni Roselo Magante matapos ginpulihan nga bun-on kag lab-on sang mag-utod nga Raymund Matias kag Edmund Matias kag sang ila abyan nga si Jennifer Demandante.

 

Gin-gubat ang biktima sa ila nga balay sang nasambit nga mga suspek nga armado sang binangon kag kutsilyo.

 

Nagatuhaw sa imbestigasyon sang Pontevedra PNP, nga nagbalos si Demandante matapos ginpasibangdan nga nagkawat sang mga hinuptan nga manok ni Magante.

 

Nadakpan sa operasyon sang pulisya si Demandante samtang nagsungka naman ang mag-utod nga Matias.

 

Kaso nga murder ang natalana nga ipasaka batuk sa tatlo ka mga suspek