KALIBO, Aklan – Patay ang isang lalaki matapos na tadtarin ng saksak ng isa sa kanyang mga nakainuman dahil sa sobrang kalasingan sa Brgy. San Roque, Malinao, Aklan.

 

Kinilala ang biktima na si Val Zapico, 18, residente ng naturang lugar.

 

Arestado naman ang suspek sa isinagawang follow-up operation ng Malinao PNP Station na kinilalang si Sonny Isuga, 22, ng nasabi ring barangay. 

 

Base sa report, matapos na tumigil na sa inuman ay nagkayayaan umano ang biktima at suspek na bumili ng sigarilyo. 

 

Habang naglalakad ang dalawa ay biglang kinuha ng suspek ang dalang kutsilyo at sinaksak ang biktima ng walong beses na naging dahilan ng kanyang agarang pagkamatay.

 

Naisugod pa sa Aklan Provincial Hospital ang biktima, ngunit namatay rin makalipas ang ilang minuto. 

 

Naniniwala ang pulisya na maaaring nagkapikunan ang dalawa dahil sa kalasingan.