KALIBO, Aklan – Dead-on-the-spot ang 57-anyos na lalaki matapos itong barilin sa ulo ng kanyang nakainuman sa Brgy. Tagbaya, Ibajay, Aklan. 

 

Base sa report ng Ibajay PNP, nakilala ang biktima na si Renato Totol, residente ng natural lugar.

 

Samantala, agad namang naaresto ang suspek na nakilalang si Elbert Castro, 38, residente rin sa barangay.

 

Inaalam pa ng kapulisan kung ano ang motibo sa pagbaril sa biktima. 

 

Nag-iinuman umano ang biktima at suspek kasama ang iba pa nang magkaroon ng mainitang pagtatalo ang dalawa kung saan naungkat ang dati nilang hindi pagkakaunawaan.

 

Napikon umano si Castro dahilan para kinuha ang kanyang baril at ipinutok sa ulo mismo ni Totol. 

 

Sa kasalukuyan ay nagpapatuloy pa ang imbestigasyon ng mga otoridad.