Injured	Killed
0	1

Date: 28 May 2013
Source: Bombo Radyo

ROXAS CITY – Patay na sang masapwan ang isa ka 55-anyos nga lalaki matapos lab-on sang nakaupod sa ilimnan sa New Guia, Maayon, Capiz.

 

Ginpahayag ni P/Insp. Kim Lopez, ang hepe sang Maayon police station, nga nag-angkon sang madamu nga pilas sa lawas si Sabino Caminoy tuga sang pagpanglabo sang ginatudlo suspek nga nakilala lamang sa pangalan nga alyas Long Hair.

 

Suno kay Lopez, nag-angkon sang pagbaisay ang duha samtang naga-inom sa isa ka tindahan kun sa diin nabatian pa ang suspek nga ginapahug nga patyon ang biktima.

 

Kasunod sini, nasapwan na lamang sang pila ka mga residente ang nagahamyangon kag duguon nga lawas ni Caminoy.

 

Padayon naman ang pagpangita sang pulisya sa nakapalagyo nga suspek.