Nagluntad ang insedente samtang nagapauli sa ila balay si Nelson Borda Jr., 36-anyos sang Barangay Punta Tabuc, sining syudad kaupod si barangay kagawad John Kit Macato sang Barangay 9, Roxas City gikan sa bulangan.

 

Wala ginalauman sang biktima nga maubusan sang gasolina ang ginamaneho nga motorsiklo rason nga iya ginbilin ang upod para magbakal sang itughong nga gasolina.

 

Apang hinali lamang nga nag-untat sa iya atubang ang riding in tandem kag ginluthang ini sang makalima ka beses sa ulo.

 

Gilayon nga gindala sa ospital si Borda apang gindeklarar nga dead on arrival.

 

Narekober sang pulisya sa lugar sang krimen ang apat ka mga empty shells kag isa ka deformed slug sang .45 caliber.

 

Padayun sa karon ang imbestigasyon sang pulisya sa krimen.