Injured	Killed
0	1

Date: 27 May 2013
Source: Bombo Radyo

LAOAG CITY – Iyur-uray iti agdama ti Philippine National Police iti Pasuquin, Ilocos Norte ti resulta ti parafin examination dagiti 14 a tatato a naipadalan iti nasao nga eksaminasyun iti PNP Crime Laboratory.

 

Segun kenni P/Sr Insp. Joseph Baltazar, chief of police ti PNP Pasuquin, dagiti naipadalan iti parafin examination ket dagiti tattao a nakasango iti inum ken nakalanglangen ti biktima ani Allan Ladic, agtawen ti 36 idi rabii a timmabuno iti maysa a pabunyag iti Brgy. Naglicuan iti nasao nga ili.

 

Kuna ni Baltazar, ti suspek a pimmaltog iti biktima ket asideg laeng.

 

Kinumpirmaran met ti opisyal a maysa a kalibre 45 a lisensiyado ti naisuko.

 

Malagip a ti biktima ketnagsagaba ti tama ti bala ti kalibre 45 iti pispis na no sadino a nakarekobre met dagiti otoridad ti maysa nga empty shell ti nasao a paltog iti nakapasamakan ti pammaltog.