Injured	Killed
1	0

Date: 30 January 2013
Source: Bombo Radyo

NAGA CITY – Maswerteng nakasalbar an sarong lalaki sa pagpurbar na pambabadil kan saiyang amigo man sana sa Bahay, Libmanan, Camarines Sur.

Ini makalihis na magmintis an pag-asinta kan suspek na si Vener Junio, sarong OFW sa saiyang maigo na si Pablo Buntol.

Nagpuon sana su boot sa simpleng diskusyon an iwal kan duwa na napuli sa pagbunot nin badil kan suspek.

Alagad kan iputok an armas, dae nagtama ki Buntol an bala dalan ta nganing agawon kaini an badil kan suspek.

Sa takot na mapuli sa gadanan an iwal kan duwa, nagtabang sa pag-agaw nin armas an barangay Kagawad na si Caloy Serrano kaiba an saro pang Barangay Tanod.

Naglilitong-litong na sa daga an apat kan maabutan kan mga pulis na iyong nakabawi sa 9mm pistol ni Junio na idinalagad man sa ospital huli sa sinapong danyos makalihis kuyugon kan tolo.