Injured	Killed
1	0

Date: 15 February 2013
Source: Bombo Radyo

LAOAG CITY – Manarimaan a maag-agasan iti Gov Roque Ablan Sr. Memorial Hospital ti maysa a lalaki kalpasan a binagbagkong ti maysa a kameng ti maysa a grupo ti lallaki iti Brgy. 1 ciudad ti Laoag itay laeng agsapa.

Ti biktima a ni Richard Manuel, agtawen ti 20, residente ti Brgy. 12, ciudad ti Laoag ket naitaray iti ospital babaen ti gayyem na kalpasan a binagbagkong ti suspek a ni Aldrich Sales, residente ti Brgy. 1 ciudad ti Laoag usar ti kutsilyo.

Segun kenni Manuel, napasamak ti insidente bayat nga agawiden kaduana ti dua a babbai idi kellaat a dimteng ti grupo ni Sales.

Segun pay iti palawag ti biktima, riri ti fraternity ti nakaigapuan ti insidente.

Agtultuloy met ti imbestigasyun ti PNP Laoag iti nasao nga insidente iti panangidaulo ni P/Supt. Melvin Napiloy.