DAGUPAN CITY – Patuloy ang isinasagawang imbestigasyon ng Manaoag PNP sa motibo ng pagbaril sa biktimang si Alejandro Duyag, residente ng Brgy. Barginay sa nabanggit na bayan sa lalawigan ng Pangasinan.

 

Base sa imbestigasyon, nakasakay sa tricycle ang biktima at pagsapit nito sa Brgy. Inamotan sa nasabing bayan ay doon ito hinarang ng naka-motorsiklo lulan ang dalawang katao. 

 

Tiningnan pa umano ng mga suspek ang sakay ng tricycle at saka ito pinaulanan ng bala na naging sanhi ng agarang pagkamatay ng biktima.

 

Sa ngayon ay patuloy pang inaalam ng mga otoridad ang motibo sa pamamaril.