Injured	Killed
0	1

Date: 25 April 2013
Source: Bombo Radyo

GENERAL SANTOS CITY – Inaalam pa ng pulisya ang pagkakakilanlan ng isang lalaki matapos binaril-patay sa Salvani St., Dadiangas City Heights nitong lungsod kaninang pasado alas-4:00 ng madaling araw. Maliban sa dalawang tama ng baril sa bahagi ng ulo, nagtamo pa ng tatlong saksak sa dibdib ang hindi kilalang biktima na nakasuot ng kulay green na t-shirt at naka-short ng kulay itim. May dalang manok na panabong at backpack na itim ang biktima ng naabutan ng rumespondeng mga personahe ng Scene of the Crime Operatives (SOCO). Ayon sa isang guwardiya ng isang ospital na malapit sa crimescene, nakarinig sila ng dalawang putok ng baril at kaagad nakita ang katawan ng biktima na wala ng buhay. Tinatayang nasa 25 hanggang 30-anyos ang edad ng biktima, 5’2″ ang taas, maputi at payat. Kinordon ngayon ng pulisya ang crimescene para sa karagdagang imbestigasyon.